আঠারো
বৈতল কিছু বুঝে ওঠার আগেই দেয়
তাড়া আবার । বলে,
--- চলো ।
--- কই চলো ।
--- আমারে ইন্ডিয়াত দিয়া আও ।
--- কই যাইতায় ইন্ডিয়াত ?
--- আছে, যাইমু । আমার মামা আছইন জালেঙ্গাত । আখড়া করছইন । আমারে আদর করিয়া ডাকইন, দুর্গা মাইকি জয় ।
--- হি তো বুঝলাম । অখন আর জয় দিবা নি ।
--- দিবা দিবা, তাইন এক আচানকি মানুষ । নিজর খানি না থাকলেও ভাগনিরে
খাওয়াইবা ।
--- আর জামাইরে ?
--- বিয়া অইলে তো জামাই । বৈষ্ণবী সাজিয়া যাইমু ।
রসকলি আকমু ।
--- আর আমি । আমি কিতা পুলিশর হাতো ধরা খাইতাম নি
আবার ।
--- কেনে । তুমিও অই যাইবায় গোসাই । নাম লই লাও
একটা ।
--- আমার নাম নেওন লাগত নায় । যে নাম আছে হউ
নামেউ অইব । আমি বৈতল, বৈতলের লগে গোসাই লাগাই দিও লাগব
। দাশ লাগাইদিও লাগব, পাটনি লাগাই দিও লাগব, কৈবর্ত লাগাই দিও লাগব, মিয়া লাগাইদিও লাগব । তুমারর ই আচার্য উর্চায শর্মা উর্মা
লাগত নায় ।
--- আমারে বিয়া করলে তো লাগানি লাগব ।
--- কেনে আমি কুনু বেটি নি । তুমি লেখবায় পাটনি ।
দুর্গা পাটনি লেখতে পারলে বিয়া করবায়, নাইলে না । আইচ্ছা নায় দাশ লেখিও । তুমার কিচ্চু করন লাগত নায় । আমারেও বিয়া
করন লাগত নায় । তুমি তুমার বাব্নি অউ থাকিও গো মাই, অখন চলো দিয়া আই বৈষ্ণবীরে মামার বাড়ি । জয় দুর্গা মাইকি ।
বৈতল হাত ধরে দুর্গাবতীর । কলাগাছের ভোরা
বানিয়ে ভাসিয়ে দেয় সুরমার জলে । ভেসে যায় দুজনে । কুশিয়ারা পেরিয়ে মনে হয়
নিশ্চিন্ত । বরাক বেয়ে বেয়ে তারাপুর, শিলচর । ওখানেও দুর্যোগ ।
দুর্যোগের পাইক পেয়াদা একা আসে না । একের পর এক দুর্ভোগ কাটিয়ে বৈতল বোষ্টুমীকে
নিয়ে পৌঁছে যায় মেহেরপুর । পুনর্বাসন
দপ্তরের বদান্যতায় ডামধাড়ার এক ঘরের মালিক হতে না হতেই দুর্গাবতী অসুস্থ । ধুমজ্বর
আর পেটখারাপ, বারবার পায়খানা । বৈতল উতলা হয়, একে ওকে বলে, ডিসপেনসারির লবণজল আর শিবাজল বড়ি খেয়ে কমে না । কেউ বলে
হোমিওপ্যাথি করতে, বীরেশ ভট্টাচার্য ধন্বন্তরির এক
পুরিয়ায় ঠিক হয়ে যাবে । কেউ বলে, এলোপ্যাথি, বিভট । একজন এসে বলে,
--- আমি শৈলেন কবিরাজ । দেখি কই তুমার পরিবার ।
কবিরাজের বড়িতে সুস্থ হয় দুর্গাবতী । কাচকলা
দিয়ে চেঙ মাছের ঝোল খেয়ে চনমনে দুর্গাবতী মনে মনে প্রণাম করে কাকাবাবুকে ।
দুর্গাবতী কাকাবাবু ডাকলেও বৈতল ডাকতে পারেনি । বৈতল ডাকে কবিরাজ মশয় । দাম ছাড়া ঔষদের
সুফলে প্রতিদান দিতে চায় বৈতল । ভিষগশাস্ত্রীর চাই ঔষধের উপকরণ, তাই বৈতল জঙ্গল থেকে পাতালতা যোগাড় করে দেয়
কবিরাজকে । একবার এমনিতে দেয়, বারবার দেয় না, দাম চেয়ে রাখে । বৈতল এরকমই ।
বৈতল জানে জালেঙ্গার গল্প ঢপ । মামা থাকলেও
থাকতে পারে, কিন্তু দুর্গাবতী বোষ্টুমি হতে
ওখানে যাবে না । ভেসেই যখন পড়েছে কলাগাছের ভোরায় আর ছাড়বে না সিতপুরুষ বৈতলকে ।
মেহেরপুর ক্যাম্প একাকী অসুস্থ যুবতিকে ছেড়ে যায়নি বৈতল । তারও আর খুনের আসামী হয়ে
জেলে যাওয়া হয় না । থেকেই যায় বিদেশ ইন্ডিয়ার যুবতিমায়ায় মুগ্ধ হয়ে । তবু মাছের
ঝোলে সুস্থ হওয়া রোগিণীর মতামতটাও তো জরুরি । গম্ভীর মুখে বিদায় নিতে যায় । বলে,
--- অখন যাই ।
--- কই যাইতায় ।
--- কেনে বইয়াখাউরি । অখন থাকোইখানো, তার পরে নায় যাইও মামার আখড়াত ।
--- অ, আখড়াত যাওয়ার লাগিনি ক্যাম্পো আইলাম । কিচ্ছু বুঝো নানি ? খালি গাট্টামি । যাও গিয়া, অখন পাকিস্তানর জেলো পচিয়া মরো ।
--- আমারে কে ধরত ? কেউ দেখছে নি ? বৈতলরে ধরা অতো সস্তা নায় ।
দুর্গাবতী বৈতলের হঠাৎ গভীর হওয়া কালো চোখে
তাকায় করুণ দৃষ্টিতে । বলে,
--- যাইতায় গিয়া । আমি অসতী এর লাগি । বইয়াখাউরির
মাইনষে আমারে ভালা রাখছে না । একলা পুড়ি কেমনে ভালা থাকত ভাবছনি একবার ।
--- ছিছি, ইতা কিতা কও । বৈতল ইলাখান নায় । তুমি কই আর আমি কই কও ? তুমি বাবনর পুড়ি আর আমি কৈবর্ত পাটনি । তুমি
ধলা আমি কালা । কুনু মিল নাই ।
--- কিওর মিল নাই কও । আমি তসলার কালি মাখিয়া বই
থাকমুনে । তে অইবনি ? আর বাবন ? তুমিও একটা বাবনাকি নাম নেও গি না, কিতা অইব ।
--- পারতাম নায়, একদিন কইছি নানি । আমি বৈতল বৈতল অউ থাকমু । বৈতল বৈতল তিন
বৈতল ।
--- ইতা অইত নায় । বৈতল কুনু নাম নায় । ইতা গাইল
।
--- অউক গাইল । আমার নাম অউ গাইল ।
--- আমি সবরে কই দিছি আমরা বাবন । কাকাবাবুরেও
কইছি আমি দুর্গাবতী শর্মা । তুমারে ও জামাই কইছি । অখন কিতা অইব ?
--- এ রাম, আমিতো ক্যাম্পো নাম লেখাইছি বৈতল দাস পাটনি ।
--- ইতায় কিচ্ছু অইত নায়, হরিদারে কইলেউ বদলাই দিব । তুমি আমার লাগি একটু করতায় পারো
নানি ?
--- পারি । দেশ অউ ছাড়িয়া আইছি । তখন এক নামর
লাগি নি আটকি যাইমু । কও কিতা নাম রাখতায় ?
--- আমি কেনে, তুমি কও ?
--- আমি তো এক নাম অউ জানি ।
--- বৈতল নানি । ই তুমার ডাক নাম থাকউক, ছাড়িও না । ভালা নাম বানাও ।
--- আরে নারে বাবা । আমি আমার গুরুর নামে ভালা
নাম বানাইছি ।
--- কী নাম ?
--- সৃষ্টিধর উঝা ।
--- উঝা উঝা নায় । আমি নু কই লাইছি, আমার শর্মা ।
--- বুঝলাম তো, শর্মা বাবন হকল তো ছায়াত থাকইন, ভালা খাইন । আমার লাখান রইদে পানিয়ে ঘুরইন নি, হিদলপুড়া খাইন নি । তুমি তো ধলা, আমারে দেখলেউ ধরি লাইব । আমি ইতা পারতাম নায়, হাচা কথা কই দেও হক্কলরে ।
--- আমি তো লগ্গুনও আনাই রাখছি তুমার লাগি । অখন
যদি উল্টা কথা কই কিতা ভাববা কাকাবাবুয়ে ? ভাববা ইতা ঠগ । অখন একতা তখন একতা মাতে ।
--- অয় বাঙালও ভাবতা পারইন । বউত বাঙালেও রিফুজি
সাজিয়া হিন্দু নাম লেখাইছে । এগু হারিছ আলিয়ে হরিশ্চন্দ্র লেখাইছিল, ধরা পড়িয়া অলা মাইর খাইল । বাজারি কিল খাইয়া
ভাগল বেরেঙ্গাত । ঠিক আছে তুমি অউ জিতলায়, আমি শর্মা অই গেলাম, যাও । কুল মান সব গেল এক বাবনি
বেটির লাগি ।
মেহেরপুর ক্যাম্পের যুবক কর্মচারি হরিদাস
শুক্লবৈদ্যকে দিয়েই বৈতলের নামকরণ হয় নতুন করে । দুর্গাবতীর চোখের ভাষায় হরিদা
সৃষ্টিধর শর্মা নামের নতুন রিফ্যুজি পরিবারকে নথিভুক্ত করে । বৈতলদাস পাটনির
পরিবারের নামও থাকে যথারীতি । ডোল বরাদ্দ হয় দুই নামেই, দুই পরিবারে । হরিদাস কর্মচারী ও দুর্গাবতীর মধ্যে অর্থকরী
সমঝোতা হয় । কয়েক মাসের মধ্যে শিলচর থেকে পরিদর্শক এসে নাম ডাকতেই ধরা পড়ার উপক্রম
। কিন্তু কিছুই হয় না, হরিদাসের চোখের ইশারায় বৈতল
দুনামেই থেকে যায় উদ্বাস্তু শিবিরে । এরকম আরো অনেক নামই তো নেই । রিফ্যুজি
অফিসারদের সঙ্গে আসে জননেতা । খাদির পাঞ্জাবি আর ধুতি পরা বাবু । কংগ্রেস পার্টির
। পুজোর সময় জানিগঞ্জের ব্যবসায়ীরা নতুন কাপড় নিয়ে আসে । শীতের কম্বল । তবে
শিবিরের ভিতর হরিদার কথাই শেষ কথা । কাউকে ঢুকতে দেওয়া বের করে দেওয়ার একমাত্র
কর্তা । অনেকের আত্মীয় স্বজনও আসে, থাকে । প্রথম প্রথম তো ডোলের
পরিমাণ বেশিই ছিল । এক হপ্তায় পরিবার প্রতি নগদ কুড়ি টাকা কম কথা নয় । চাল ডাল তেল
নুনও অনেক, অনেকেরই গরিব আত্মীয়স্বজন এসে
ভাগ নিয়েছে । খাতায় লেখা অনেক পরিবারের নিজের বাড়ি আছে তারাপুর শিলকুড়ি শিববাড়ি
রোডে, ওরাও আসে । সে এক মোচ্ছব । এর
মধ্যেই বৈতলকে নিয়ে ক্যাম্পের ভিতর শুরু হয় আতান্তর । বৈতল কিছুতেই হরি
শুক্লবৈদ্যর বশ্যতা মানবে না । আর বৈতলও নজরানা না দিয়ে দুই দুগুনে চার জনের রেশন
ও ভাতা ওঠাবে । দুর্গাবতীর এসব লড়াই ঝগড়া ভাল লাগে না । বৈতলকে বলে,
--- দিলাও না বেটারে যেতা চায় । হে তুমার লাগি
করছে ।
--- করছে, তো করছে । হে আমার মুখ দেখিয়া করছে নি, ভাবছে পাইব । পেট মুটা অইব । অখন বুঝ বেটা ধুড়া সাপর লাখান বেঙ গিলি লাইচছ তর
থাকি গাট্টা । না পাররে বার করতে না পাররে গিলতে ।
--- যদি কই দেয়, জানাই দেয় ।
--- জানাইত নায়, চাইট দিলে হেউ মরব ।
--- মানুষ খারাপ নায় হরিদা । আমারে দিদি ডাকে ।
--- কেনে তুমারে দিদি ডাকত । হে কুনু তুমার ছুট
নি । বুড়া বেটা । হুনো, ইতারে আমি চিনি লাইদিলেউ ঘাড়ো
উঠব । আমি গাইল্লাই, এর লাগি আমারে ডরায় ।
--- খেদাই দিবনে দেখবায় কুনদিন ।
--- খেদাইত উ আমি চাই, ইনো কুনু হারা জীবন থাকমু নি ।
--- কই যাইবায় ।
--- অ, ইতা হুনছ নানি । রিফুজি হকল আবার যাইব গিয়া পাকিস্তানো ।
--- আর আমরা ।
--- আমরাও রিফুজি, যাওন লাগব ।
--- কই যাইতাম । কুন মুখে যাইতাম । কে আছে আমরার
।
--- আমি বেটা ফাসির আসামি । দুইমুখো করাতর
মাঝখানো আছি । রামে মারলেও মারতা করিম চাচায় মারলেও মারতা । আমি কুনু আর যাইমু নি
বইয়াখাউরি । তুমারে দিয়া আইমুনে বডার পার করি ।
--- অ, নিজর কথা ভাবলায় খালি । আমারে বাঘর মুখো দিয়া আইবায় আবার । বেটাইন্ত হকল নি
অলা স্বার্থপর ।
--- ইতা কইও না । আমি স্বার্থপর নায়, আর হিপারোও সব বাঘ ভাল্লুক নায় । অখন ইতা অইল
কির্তনর মাইর । না পাইয়া পাইছে ধন, বাপেপুতে কির্তন । পাকিস্তান
পাইয়া ছলি গেছে । ইতা ঠাণ্ডা অই যাইব । করিমচাচা যদি বাচি থাকইন দেখবায়নে
তুমার লাগি করবা । আমরার তো মন্ত্রী ও আছইন করাচিত একজন, যোগেন মণ্ডলরে একবার দেখছিলাম হবিগঞ্জো । বেটা খুব সাউকাড় ।
--- হে তো ছুনছি কৈবর্ত না মাইমল, কিতা কিজানি । হে বিয়া করব নি বাবনর পুড়িরে ।
করলে তো ভালা আছিল মন্ত্রীর বৌ হই গেলাম নে আর তুমারে বান্দিয়া নেওয়াইলাম নে
পাকিস্তানো । বেটা ডরালুকর পাদ্রাপুক !
--- রিষ চড়াইও না কইলাম । বৈতলে কেউরে ডরায় না ।
< উজান পর্ব ১৭ পড়ুন উজান পর্ব ১৯ পড়ুন >
চলবে
কোন মন্তব্য নেই:
একটি মন্তব্য পোস্ট করুন